تحب تشربها ايه؟

موضوع: تحب تشربها ايه؟ الأحد مايو 06, 2007 1:12 pm

الكوميديا حاجة كده عاملة زي القهوة كل واحد بيحبها بطريقة وساعات كمان واحد بيحبها بكذا طريقة بس بيشربها كل مرة حيب المود بتاعه
طب تعالوا نجربها ساده:
الكوميديا السوده و دي الكوميديا البتخلينا نعيط على حالنا وحال وطن او شعب او ظروف قهرية ودي يمكن الكوميديا الصادقة او المعبرة بصورة و مفهوم حقيقين .........كوميديا تدخل جوة اعماق النفس البشريه بجميع سيكولجيتها لتخرج لنا سلبيات مميته في حياتنا يجب ان تتغير بصورة جذرية..في مصر لم تظهر هذه الوميديا الا في صورة مبسطة و هذا احد العيوب القاتلة في السينما المصريه احد اهم الافلام في رأيي التي تعبر عن مضمون الكوميديا السوداء هو الفيلم الرائع ..........احنا بتوع الاوتوبيس......احد رواد هذه النوعية من الكوميديا وقد يختلف معي البعض في هذا الرأي هو الجميل نجيب الريحاني ومن العاصرين حاول عادل امام ان يتوغل في فلسفة الكويديا السوداء مثل اللعب مع الكبار والمنسي و غيرها من الافلام الجميلة و ياريته كان كمل بس للأسف حب يشربهالنا بطريقة تانية هنستعرضها بعدينو اخيرا في رأيي ان الاهتمام بهذا النوع من الكوميديا قد يكون ذو مردود ايجابي واضح للسينما المصرية
طب تعالوا نجربها على الريحة
[هنا بقي كوميديا عادية جدا قد تخدم الفيلم او لا فهذا النوع الذي يجئ في فيلم عادي قد يكون اكشن او تراجيدي او رومانسي بس قد تجئ سياق الدراما او للخروج من جو الفيلم ولو للحطة لألتقاط الانفاس فقط مثلا ان يقول احمد زكي افيه في فيلم ليس كوميدي وقد يكون الفيلم نكد جددا و هنا يجئ الافيه قوي اوي وساعات يبقى احلى من الفيلم الكوميدي او حتى مش ايفية ممكن يكون موقف اتذكر على سبيل المثال فيلم مثل اضحك الصورة تضحك حلوة الرائعة سناء جميل بأيفهاتها الجميلة وهي تخرجنا من جو الفيلم المفعم بالمشاعر الصعبةو غيرها طبعا الكثير و الكثير
طب تعالوا نشربها مظبوط
هي دي في رأيي الكوميديا الحقيقية والتي تناقش قضية جادة في اطار كوميدي او حتي فانتازيا كوميديا فعلا تضحكنا من القلب ونتعلم منها و نفكر و نركز و نستفيد و طبعا دي موجودة بكثرة فعلى سبيل المثال و ليس الحصر فصلاح ابو سيف في بين السماوالارض وايضا في البداية و من جيل الوسط رأفت الميهي رائد الفانتزيا في السينما المصرية و افلامه الجميلة الافوكاتو و السادة الرجال و سيداتي انساتي وهذا النوع من الكوميديا هو النواة الحقيقية لصناعة كوميديا جادة و هادفة
طب نشربها زيادة
دي بقى الكوميديا و التي الغرض منها التسلية فقط فشريبة القهوة البجد عمرهم ما يشربوها زيادة بس مطلوبة وبقوة خصوصا لشعب مطحون زينا و هنا بقى كتار اوي زي من اول الكسار لاسماعيل يس و النابلسي و القصري ثم محمد عوض وعادل امام ثم احمد حلمي دلوقتي و دول اكتر ناس مشاهير في الكوميديا
واخيرا اكيد هتسألوني فين محمد سعد وهنيدي و احمد رزق وغيرهم........دول بقى قهوة من غير وش يعني لا لون ولا ريحة ولا طعم فهناك فرق كبير بين التسلية و الاستخفاف
اما الان فأنتم يا اصدقائي تحبوا تشربوها ايه و ماتخفوش هعزمكوا ومش هدفعكوا حاجة

__________________