ياسيدى الفاضل انا يمكن اكون اتكلمت معاك على احدى المنتديات فى نفس الموضوع
وهوة الموهبه اولا :
الموهبه اهم شى للممثل وقدرته على امتصاص شتى منابع الحياة اقصد يكون انسان
فطن يقدر يكون اجتماعى يقدر يتعامل مع الجزار مع الكمثرى مع البقال يشرب منهم
طريقة معيشتهم للحياة وده طبعا بيفيده
مثلا : احنا اصحاب الاقاليم المصريه لدينا القدرة اننا نؤدى دور الفلاح الصعيدى بحكم اننا منهم
عشنا معاهم وفكرنا بعقلهم واتكلمنا بلغتهم بعكس ابن المدينه اللى بياخد الدور ويقتل فرصتنا
ويبدا المخرج والملقن الخاص باللهجه يتعب معاه
لكن نرجع نقول اللى له ضهر ما ينضربش على بطنه
تانى شى : وده الاهم
ياما ناس اعرفهم كويس جدا واخدوا اكتر من ورشه وتعبوا ودفعوا فيها
وتركوا بلادهم كانو بيتهيالهم انهم لما يحصلوا على الدورة حيدخلوا عالم
الفن بسرعة البرق لكن ابدا
منهم اللى ياس من نصف الطريق ومنهم اللى كمل وتعب من اللف واغلق على نفسه
دايرة من الحزن ليه؟
لانه عاش يحلم بيوم زى ده لكن ما باليد حيله
ومنهم اللى ترك دراسته فى سبيل الفن ايا كان الدافع
هل حبه للفن لمجرد الفن ولا للشهرة ولا المال ؟
لكن كلها طرق لمصير وهدف واحد وهوة انه يحقق حلمه
فمن النهايه انا ضد الورش
موضوع: مافيش حد بيكتشف حد..... دى كانت موضه قديمه 
الثلاثاء مارس 20, 2007 4:58 am
